Pidato Maulid Nabi Bahasa Jawa mengandung makna dan pesan keteladanan Nabi Muhammad SAW.
Pidato tersebut disampaikan dengan bahasa Jawa untuk lebih dekat dengan masyarakat.
Pengetahuan tentang kehidupan dan sifat-sifat utama Nabi disampaikan melalui pidato Maulid Nabi Bahasa Jawa.
Peringatan Maulid Nabi Muhammad SAW jadi salah satu momen penting yang selalu ditunggu umat Islam. Di banyak daerah, perayaan ini gak cuma diisi doa dan selawat, tapi juga pidato yang penuh makna.
Menariknya, pidato Maulid di Jawa kerap dibawakan dengan bahasa Jawa sehingga terasa lebih dekat dengan masyarakat. Bahasa daerah membuat pesan keteladanan Nabi lebih mudah dipahami semua kalangan. Kalau kamu cari inspirasi pidato Maulid berbahasa Jawa, simak contohnya di bawah ini!
Assalamu’alaikum Warahmatullahi Wabarakatuh.
Puji syukur kita aturaken dhumateng ngarsanipun Allah SWT amargi wonten ing wekdal punika, kula kaliyan panjenengan sedaya taksih pinaringan nikmat lan kanugrahan, satemah saged makempal lan pepanggihan wonten ing masjid menika kanthi tanpa alangan.
Salajengipun, selawat saha salam mugi tansah kacurahaken dhumateng junjungan kita, Nabi Agung Muhammad SAW, ingkang sampun paring tuntunan agami Islam ingkang kebak rahmat.
Kakung miwah muslimin muslimat, ing dalu punika, sedaya sami makempal kangge mengeti Maulid Nabi Muhammad SAW. Wiwit awal wulan Rabi’ul Awal, umat Islam tansah ngelingi dinten miyosipun Nabi, ingkang ngasta rahmat lan agama Islam. Panjenenganipun ngantosaken kita saking jaman jahiliyah mlebet ing jaman padhang supados saged mbedakake antarane ingkang bener lan ingkang lepat.
Kita saged mbayangaken kados pundi kahanan sadurungipun Nabi rawuh. Wektu semana, adat jahiliyah dipunagem: wong wadon dipunaniaya, sing sugih tambah sugih, sing mlarat saya kapitunan. Nanging, sasampunipun Nabi Muhammad SAW miyos lan ndhawuhi ajaran Islam, kahanan punika ganti. Wong sing biyen padha nganiaya, dados padha tulung-tinulung.
Miturut sejarah Islam, Nabi Muhammad SAW miyos tanggal 12 Rabi’ul Awal taun Gajah utawi 20 April 571 Masehi. Dene taun punika sinebat “Taun Gajah” amargi wonten prajurit nunggang gajah kangge ngrusak Ka’bah, dipimpin Abrahah, gubernur Yaman. Nanging sedaya tujuwan ala punika boten saged kasembadan amargi dipungagalaken dening kekuasaan Allah SWT.
Nabi Muhammad SAW miyos wonten ing kahanan yatim piatu. Bapane, Abdullah, seda nalika Nabi taksih wonten ing kandungan Siti Aminah. Nalika lair, Nabi dados cahya padhang kangge umatipun.
Para rawuh ingkang kinurmatan, wigatosipun acara Maulid Nabi punika yaiku supados kita tansah niru watak mulya Kanjeng Nabi. Panjenenganipun dados tuladha utama tumrap kita sedaya, kados ingkang dipunsebat wonten ing Al-Qur’an, Surah Al-Ahzab ayat 21:
"Sungguh, pada diri Rasulullah benar-benar terdapat suri teladan yang baik bagimu, yaitu bagi orang yang mengharap rahmat Allah dan kedatangan hari Kiamat serta banyak mengingat Allah."
Mekaten, menawi wonten tembung ingkang kirang mranani panggalih, kula nyuwun pangapunten. Mugi-mugi apa ingkang sampun kaaturaken saged gadhah paedah lan maringi pepadhang tumrap sedaya.
Ihdinash shirathal mustaqiim, Wallahul Muwafieq Ilaa Aqwamit Tharieq.
Wassalamu’alaikum Warahmatullahi Wabarakatuh.
Assalamu’alaikum Warahmatullahi Wabarakatuh.
Bapak-bapak, Ibu-ibu, saha para sedherek kaum muslimin lan muslimat ingkang kinurmatan.
Saderengipun, mangga kita sami ngaturaken puji syukur dhumateng ngarsanipun Allah SWT amargi dinten punika kita taksih kaparingan rahmat, hidayah, kasugengan, saha karaharjan, saengga saged makempal sesarengan wonten ing papan menika.
Ing dinten punika, tepat tanggal 12 Rabiul Awal 1446 Hijriah utawi 16 September 2024 Masehi, kita sami makempal wonten ing Masjid (...) kangge mengeti dinten Maulid Nabi junjungan kita, Kanjeng Nabi Muhammad SAW.
Kula minangka ketua panitia penyelenggara pengetan Maulid Nabi Muhammad SAW ing Masjid (...) ngaturaken gunging panuwun dhumateng para rawuh ingkang sampun nglonggaraken wekdal kersa angrawuhi acara punika. Mekaten dados pratandha bilih kita sami manteb tuwin raos nglegena dhumateng agami Islam, minangka pitedah kangge kabagyaning gesang ing donya dumugi akhirat.
Wondene inti saking pengetan punika badhe dipunwedaraken dening Bapak (...) saking (...). Kula kinten, atur pambuka pengetan Maulid Nabi Muhammad SAW ing dalu punika kula cekapi semanten kemawon.
Salajengipun, mangga kita sami paring tetenger bilih pengetan punika kita wiwiti kanthi maos basmalah bebarengan:
“Bismillahirrahmanirrahim.”
Cekap mekaten atur kula.
Akhirul kalam, wabillahi taufiq wal hidayah, Wassalamu’alaikum Warahmatullahi Wabarakatuh.
Assalamu’alaikum Warahmatullahi Wabarakatuh.
Para Bapak, Ibu, hadirin sedaya ingkang kula hormati.
Sepisanan, monggo kula lan panjenengan sami-sami ngaturaken syukur dhumateng ngarsanipun Allah SWT. Amargi panjenenganipun sampun paring hidayah, inayah, rahmat, lan nikmat dhumateng kita sedaya, saengga wonten ing kesempatan punika kita saged makempal wonten ing majlis menika kanthi sehat wal afiyat.
Para rawuh ingkang kinurmatan, mangga kita sami niataken makempal menika minangka ibadah dhumateng Allah, saha minangka bentuk ta’dzim utawi hormat dhumateng dinten kelahiranipun junjungan kita, Nabi Agung Muhammad SAW, salah satunggaling pemimpin umat.
Junjungan kita, Nabi Muhammad SAW, punika Nabi ingkang kagungan sifat kemanusiaan paling sempurna. Ingkang paling menonjol saking panjenenganipun yaiku sifat jujur lan akhlak mulya, ngantos Kanjeng Nabi kaparingi gelar Al-Amin dening masyarakat Arab, tegesipun tiyang ingkang saged dipunpercadosi. Malah Allah piyambak ngakoni kemuliaan akhlak Nabi, kados dipunsebat wonten ing Al-Qur’an Surah Al-Qalam ayat 4: “Dan sesungguhnya engkau (Muhammad) benar-benar berbudi pekerti yang agung.”
Para rawuh ingkang kinurmatan, amargi akhlakipun ingkang luhur, Kanjeng Nabi saged mbangun mental bangsa Arab saking jaman jahiliyah mlebet jaman Islam. Kita sami maos wonten kitab tarikh bilih nalika semana kathah kabobrokan moral masyarakat Arab, kados judi, malas, lan budaya sing ngrusak urip. Kanjeng Nabi lajeng dipunparingi tugas dening Allah supados nyempurnakaken akhlak. Panjenenganipun nate ngendika: “Sungguh, aku diutus untuk menyempurnakan akhlak yang mulia.”
Agung sanget pengaruhipun akhlak Kanjeng Nabi, saengga syiar Islam mboten namung winates ing bangsa Arab, nanging nyebar ngantos sedaya penjuru donya. Allah ngendika wonten ing Al-Qur’an Surah Al-Anbiya’ ayat 107: “Dan tiadalah Kami mengutus engkau (Muhammad) melainkan untuk menjadi rahmat bagi seluruh alam.”
Para rawuh ingkang kinurmatan, dados kautusipun Kanjeng Nabi punika paring rahmat dhumateng sedaya umat ing donya. Mugi-mugi kita saget angsal syafa’atipun wonten ing dinten kiamat kelak.
Kintenipun cekap mekaten uraian ringkes babagan Maulid Nabi ingkang saged kulo aturaken. Menawi wonten lepat utawi kirang mranani, kulo nyuwun pangapunten ingkang ageng.
Wassalamu’alaikum Warahmatullahi Wabarakatuh.
Assalamu’alaikum Warahmatullahi Wabarakatuh.
Bapak, Ibu, saha sedherek ingkang kinurmatan dening Allah SWT.
Ing kalodhangan punika, keparenga kula ngaturaken pidato babagan Maulid Nabi Muhammad SAW.
Maulid Nabi punika mujudaken tradisi umat Islam kangge mengeti miyosipun Kanjeng Nabi Muhammad SAW ing tanggal 12 Rabiul Awal. Peringatan menika minangka wujud rasa tresna kita dhumateng panjenenganipun.
Rasulullah SAW punika utusan pungkasan saking Allah SWT kangge nyempurnakaken akhlak manungsa. Panjenenganipun dados suri teladan kang utama tumrap kita kabeh. Ing salah satunggal hadits, Rasulullah dawuh: “Sapa wae sing nyebut asmaningsun ana ing ngarepe manungsa, mesthi bakal tak sebut asmanipun ana ing ngarepe wong kang luwih becik tinimbang dheweke.”
Para rawuh ingkang kinurmatan, wonten ing pengetan Maulid Nabi punika kita kedah ngleksanani kegiyatan ingkang saged nambah rasa tresna kita dhumateng Rasulullah SAW. Kados ta maos Al-Qur’an, ngudi pangertosan saking hadits, mirengaken pengajian, nglaksanaaken salat, lan zikir. Kajaba menika, kathah amal becik ingkang saged kita lampahaken, antawisipun:
Sedekah. Rasulullah ngendika: “Satemene papan perlindungan wong mukmin ing dina kiyamat yaiku sedekahe.” (HR. Ahmad).
Tumindak becik marang liyan. “Satemene wong sing paling apik ing antaramu yaiku wong sing paling apik akhlake.” (HR. Bukhari).
Selawat. Rasulullah ugi dawuh: “Sapa sing ndedonga kanggo aku nalika aku wonten ing kubur, aku krungu. Lan sapa sing ndedonga saka papan adoh, bakal dipunaturaken selawat iku dhateng aku.”
Mugi-mugi lumantar kegiyatan ingkang migunani menika, kita tansah bisa nglebetaken lan ngiyataken rasa tresna dhumateng Rasulullah SAW.
Kintenipun cekap mekaten uraian ringkes babagan Maulid Nabi ingkang saged kula aturaken. Menawi wonten lepat lan kirang mranani, kula nyuwun agunging pangapunten.
Wassalamu’alaikum Warahmatullahi Wabarakatuh.
Assalamu’alaikum Warahmatullahi Wabarakatuh.
Sedaya puji kagunganipun Allah SWT, Pangeraning Alam. Puji syukur tansah kita aturaken dhumateng Allah SWT amargi kanthi rahmat lan hidayahipun, kita sedaya saged makempal ing papan menika kanthi sehat wal afiyat tanpa alangan setunggal punapa.
Selawat lan salam mugi tansah kita aturaken dhumateng junjungan kita, Kanjeng Nabi Muhammad SAW. Ing kalodhangan menika, kula badhe ngaturaken pidato ringkes babagan sifat-sifat utama Nabi Muhammad SAW ingkang dados teladan kangge kita sedaya.
Kanjeng Nabi Muhammad SAW gadhah sekawan sifat utama ingkang kedah kita tindakaken lan kita teladani saben dinten:
Siddiq (jujur)
Nabi tansah jujur, ora nate ngapusi. Gusti Allah ngelingake ing Al-Qur’an (QS. Al-Hujurat: 6) supados umat Islam tansah teliti lan ora sembrana ing nampani berita supados ora gawe cilaka lan getun.
Amanah (dapat dipercaya)
Nabi Muhammad SAW tansah njaga amanah. Panjenenganipun nate dhawuh: “Imane wong sing ora netepi amanah iku ora sampurna.” (HR. Ahmad).
Tabligh (menyampaikan)
Nabi tansah nyampeake kabeneran saking Allah SWT. Panjenenganipun nate dhawuh: “Sapa wae sing nuduhake marang kabecikan, bakal oleh ganjaran kaya wong sing nindakake kabecikan kuwi.” (HR. Ahmad).
Fathonah (pintar)
Nabi Muhammad SAW pinter lan cerdas. Panjenenganipun nate ngendika: “Wong sing paling akeh ngelingi mati lan paling siap ngadhepi, iku wong sing paling pinter. Dheweke bakal entuk kamulyan ing donya lan akhirat.” (HR. Tirmidzi).
Hadirin ingkang kinurmatan, mugi-mugi kanthi mengeti Maulid Nabi Muhammad SAW menika, kita sedaya tansah saget nindakake lan ngleksanani sekawan sifat utama punika. Mugi-mugi kita saget dados pribadi ingkang luwih sae, tansah jujur, amanah, wani nyampeake kabeneran, saha pinter ing ngatur urip.
Mekaten atur ringkes saking kula, kirang langkungipun nyuwun pangapunten.
Wassalamu’alaikum Warahmatullahi Wabarakatuh.
Itu dia beberapa contoh pidato Maulid Nabi dalam Bahasa Jawa yang bisa jadi referensi. Dengan menggunakan bahasa daerah, pesan keteladanan Nabi bisa tersampaikan lebih hangat dan membumi. Semoga contoh di atas bermanfaat dan bisa menginspirasimu saat menyusun pidato Maulid.