35 Pantun Batak Lucu yang Kocak, Berisi Pesan Bijak

ilustrasi orang tertawa (pexels.com/RDNE Stock Project)

1. Dang diau holi-holi
Ianggo so sian pinahan
Dang diau doli-doli
Ianggo so marga Siahaan

2. Adat do ugari
Sinihathon ni Mulajadi
Sradoton manipat ari
Salaon di si ulubalang ari-ari

3. Dengke ni Sabulan
Tu tonggina tu tabona
Nasa si ose padan
Tu ripurna tu magona

4. Eme sitambatua
Parlinggoman ni siborok
Ananta Debata do silehon tua
Sai sude ma hita diparorot

5. Bona ni Aek Puli
Di dolok ni Purbatua
Sai ro do angka na uli
Molo mamasu-masu hula-hula

6. Pusuk ni jabi-jabi
Tu bulung ni simarlasuna
Di hata pasu-pasunami
Sai Mulajadi Na Bolon ma na mambahen sautna

7. Dangka ni hariara
Tanggo pinangait-aithon
Sai horas ma hamu antong
Sai tongka panahit-nahiton

8. Ompu ta naparjolo
Martungkot salagundi
Molo sukot sian jolo
Ambil sian pudi

ilustrasi sahabat tertawa (pexels.com/Iqbal Farooz)

9. Hotang binebe-bebe
Hotang pinulos-pulos
Unang ma hamu mandele
Ai godang do tudos-tudos

10. Habang mikki-mikki
Tu dolok golgata
Ala otik nama tikki
Unang pagodanghu hata

11. Gadu-gadu ni silindung
Tu gadu-gadu ni sipoholon
Sai tubu ma anak mu sibalga igung
Dohot borumu si godang ipon

12. Sahat-sahat ni solu
Sahat ma tu bontean
Sahat ma hita mangolu
Sahat ma tu panggabean

13. Dolok bi Purbatua
Tondongkon ni Siborotan
Sahat ma hamu saurmatua
Jala tiur angka pansamotan

14. Sititik ma si gompa
Golang-golang pangarahutna
Nang otik pe na tupa
Unang pola ribut baba muna

15. Asa pitu anak ni ari
Sampulu dua anak ni bulan,
Molo ro hamu tupesta nami,
Unang boan tumpak par limaribuan

16. Manginsir ma sidohar
Di uma ni Palipi
Tu deakna ma hamu marpinompar
Jala bagasmu sitorop pangisi

ilustrasi pasangan tertawa (pexels.com/Leah Newhouse)

17. Pinaulima simbora
Alai lunjung saotik
Huhut ma hitaon sude mamora
Alai sumurung au saotik.

18 Luat ni onan runggu
Tubuan bonani bagot
Sai tubu ma anak muna ganup minggu
Dohot borumuna ganup manogot

19. Ganjang pe tali nihoda
Taluktuk nai do sitiopon
Uli pe rupa ni janda
Tokka doi sitiopo

20. Madabu ma uang recce
Mardiring mardorong
Sai tubuma borumuna nakariting
Dohot anak muna na gondrong

21. Hujakkit attajau
Borasna pe natata
Hurippu namarbaju
Hapena nunga janda

22. Balga tiang ni ruma
Umbalgaan tiang ni sopo
Balga ulu ni jolma
Umbalgaan ulu ni horbo

23. Habangma siburuk
Songgop di hau nabusuk
Molo tung pe au muttut
Unang adong hamu namuruk

24. Di ginjang do arirang
Di toru panggaruan
Unang dihatai sirang
Molo dung marhajabuan

25. Balintang ma pagabe
Tumundalhon sitadoan
Ari muna ma gabe
Molo marsipaolo-oloan

26. Jumpa na aha naniuluhan
Dapot na nijalahan
Ima dongan sahaholongan
Dohot dongan sapanghilaan

27. Abang ma inna pidong ambaribit,
Songgop tu tano liat.
Unang pa tilik tilik,
Sogo roha ne pilat

28. Mardalani tu Tanjung Perak naek hopal ungkor
Paimahon di jonok ni bontean
Molo adong mengucap salam
Ikkon dialusi dohot tongam dan margogo

29. Sinuan ma ompu-ompu
Di toruni jandela
Martubuan akka pahompu
Sobinoto ise hela

30. Binuat ma hau toras
Bahen sopo di balian
Sai gabe ma hamu jala horas-horas
Tiur-tiur ma nang pansarian

31. Pinasa ni siantar
Godang rambu-rambuna
Molo boru napistar
Sai godang do partandangna

32. Sahat sahat ni solu
Sai sahat ma tu bontean
Molo di jukjuk sian toru
Sahat ma tu parate-atean

33. Andor hadukka ma
Togu-togu nilombu
Sai sahatma hamu saur matua
Disarat-sarat lombu

34. Luat ni porsea
Tubuan hau hariara
Dang au naso hasea
Ai hamu do nahurang roha

35. Disuan ma inna sappilit
Dirobus di bagas dandang
Molo adong dapotan na soppit
Sai adong do dapotan na bangbang

Ada banyak cara untuk menghibur teman atau orang terdekat. Misalnya dengan mengirimkan kumpulan pantun Batak lucu di atas. Gak cuma menghibur, tapi juga terselip banyak pesan kehidupan.